Actividades

Déixate levar por unha auténtica experiencia de inmersión na natureza desfrutando das diferentes opcións que ofrece Trabada.

Trabada alberga múltiples posibilidades para aqueles máis aventureiros e activos amantes da natureza, como descensos en canoa polo río Eo, rutas BTT, avistamento de Aves na Zona de Especial Conservación (ZEC), pesca no río Eo e rutas de sendeirismo nos seus marabillosos bosques autóctonos.

Sen masificación de xente nin manipulación da contorna, elementos que potencian o atractivo destas actividades.

Canoas do Eo é unha empresa de turismo activo situada en Trabada, dedicada ó descenso do río Eo.
Se che gusta a aventura, este é o plan perfecto. Podes escoller entre zonas tranquilas e tramos rápidos, será unha experiencia divertida en medio da natureza, e así desfrutar e contemplar a súa flora e fauna con amigos ou en familia.
Dispón de alugueiro de canoas de unha, dúas ou tres prazas, de fácil manexo, equipadas de pala, chaleco salvavidas e bidóne estanco.
No seu punto de información na ría de Abres, podes conseguir información sobre rutas turísticas en Trabada e arredores.