IV Festa Gastronómica da Enfariñada
Esta nova edición da Festa Gastronómica da Enfariñada superou todas as expectativas, vendendo máis de 700 racións de Enfariñada (en edicións pasadas a cifra habitual situábase arredor das 500). As persoas que se achegaron a desfrutar da gastronomía, a música e o produto local contabilizáronse en varios centenares durante toda a xornada.
Unha reivindicación do noso prato máis tradicional, un símbolo de identidade de todos os trabadenses, que abofé resultou moi exitosa e a opinión e acollida do público foi realmente favorable.
Os grupos de música tradicional, Cuarteto Seimeiro, Airiños da Freba e o fin de festa co concerto de Luar na Lubre puxeron o colofón perfecto a esta IV Festa Gastronómica da Enfariñada.
Queremos agradecer o traballo realizado ó equipo de cociña, integrado por 35 persoas, a todos os postos de produtos locais, músicos e a todas as persoas que nos visitaron.
Agardámosvos no 2024.
A continuación deixámosvos unha galería fotográfico a modo resumo do que foi a IV Festa Gastronómica da Enfariñada.